Неабходна не толькі ведаць родную гісторыю, народныя традыцыі, але і адчуваць сваю непасрэдную прыналежнасць да іх.
З 1 па 8 лістапада ў музеі каледжа праходзіў тэатралізаваны паказ народнага свята «Дзяды», які назіралі групы 1-2 курсаў.
«Дзяды» - гэта не толькі дзень памяці продкаў, але і асэнсаванне праблем жыцця і смерці на ўзроўні філасофскага разумення іх беларусамі. Таму вучні разважаюць і аб «вечных» пытаннях,агульначалавечых праблемах, авалодваюць эстэтыкай святочнай культуры.
Такія пазакласныя мерапрыемствы дапамагаюць раскрыць творчы патэнцыял навучэнцаў, засвоіць навыкі самаразвіцця.
